Выбрать язык
Книги Ветхого Завета
Книги Нового Завета
с русским текстом1Vellet, työhäi tunnetto Zakonan da tiijättö, Zakon pidäy ristikanzua vallan al, kuni häi eläy.2Zakon sidou miehel olijan naizen ukkoh, kuni vai ukko on elos. No gu ukko kuollou, naine piäzöy sit Zakonan käskys, kudai sidoi händy ukkoh.3Gu ukon hengis olles häi mennöy miehele toizele, sit häi on vierahan mužikanke maguaju. No ukon kuoltuu häi on välläl sit zakonas i ei magua vierahan mužikanke, hos i mennöy miehele toizele mužikale.4Mugai työ, vellet, Hristosan kuoltes työ, Hänen rungan palazet, kuolitto Zakonah nähte da oletto nygöi toizen, ei Zakonan, a toizen, Hänen, kudai on nostatettu kuollielois, gu myö kaikin tuozimmo andimii Jumalale.
5Silloi, konzu myö vie elimmö riähkähizen oman ičen vallas, meijän rungas ruattih Zakonan nostatetut riähkähizet himot i myö toimmo andimii surmale.6No nygöi myö piäzimmö välläle Zakonas, kuolimmo sih nähte, mi pidi meidy vallas. Nygöi myö palvommo Jumalua uudeh luaduh, kui Hengi käsköy, emmo endizeh luaduh, Zakonan kirjaimen mugah.
7Midä sit meil sanuo? Ongo iče Zakon riähky? Tiettäväine, ei. No vaste Zakonan kauti minä rubein tundemah riähkän. Kačo himoloi minä ni tiedänys en, gu Zakon ei sanonus: «Älä himoittelei.»8Zakonan käskylöis riähky löydi mih tartuo da rubei nostattamah minus kaikenjyttymii himoloi. Zakonattah riähky on kuolluh.9Minä elin enne Zakonattah, no konzu Zakonan käsky tuli, sit riähky elavui,10a minä kuolin. Nenga käsky, kudamal pideli tuvva elos, toi minule surman.11Riähky sai pričinän Zakonan käskys, muanitti minuu da tapoi sil käskyl.
12Muga Zakon iče yksikai on hyvä, dai käsky on pyhä, oigei da hyvä.13Rodihgo sit se, kudai on hyvä, minule surmakse? Tiettäväine, ei se, a riähky. Gu riähky nägys riähkänny, se toi minule hyvän kauti surman. Nenga käsky luadii riähkän vie äijiä kerdua pahembakse.
14Myö tiijämmö, Zakon on Hengespäi tulluh. A minä olen mualline ristikanzu, riähkän orjakse myödy.15Ni ellendä en, midä ruan. En rua sidä, midä tahton, a ruan sidä, midä vihuan.16I gu kerran ruan sidä, midä en tahto, sit minä olen myödäzin, gu Zakon on hyvä.17Ga sit jo enhäi minä rua sidä, sen ruadau minus eläi riähky.18Tiijän, minus, minun riähkähizes omas ičes, ei elä hyvä. Tahtuo hyviä, se minus on, a luadie hyviä - sidä ei ole.19En luaji sidä hyviä, midä tahton, a luajin sidä pahua, midä en tahto.20No gu ruan sidä, midä en tahto, ga sit jo sidä en rua minä iče, sen ruadau minus eläi riähky.
21I muga minä näin, olen moizen zakonan vallas: tahton luadie hyviä, no paha rippuu minus.22Se ristikanzu, kudai eläy minun sydämes, hyväl mielel yhtyy Jumalan Zakonah,23no rungas minä näin toizen zakonan, riähkän zakonan, kudai toruau sydämen zakonua vastah. Nenga minä olen minun rungas ruadajan riähkän zakonan čieppilöis.24Oh minuu kurjastu! Ken piästäy minuu täs kuolendan rungas?25Passibo Jumalale meijän Ižändän Iisusan Hristosan täh! I muga minä sydämel novvan Jumalan Zakonua, a riähkähizel omal ičel - riähkän zakonua.
Глава 7