Выбрать язык
Книги Ветхого Завета
Книги Нового Завета
с русским текстом1Ga sit, gu Jumal uskon kauti on luadinuh oigiekse meidy, meil on rauhus Jumalanke meijän Ižändän Iisusan Hristosan täh.2Hänen vuoh myö uskol piäzimmö täh armoh, kudamas myö nygöi elämmö. Myö olemmo hyväs mieles, gu nad'eičemmokseh piästä Jumalan valgieh.3I ei vai tämän täh, a ahtistuksien tähgi myö olemmo hyväs mieles, sendäh gu tiijämmö, ahtistukset luajitah ristikanzan tirpačukse,4tirpandu - kestäčykse, a keständy tuou nad'oužan.5A nad'oužu ei ole tyhjy, sendäh gu Jumal valoi omua suvaičustu meijän sydämih, gu andoi meile Pyhän Hengen.
6Konzu myö olimmo vie väittömät, aijan tulduu Hristos kuoli jumalattomis tuači.7Harvu ken tahtou kuolta oigiengi ristikanzan puoles; toinah hyvyönluadijas tuači kentahto i valmis on kuolemah.8No Jumal ozuttau oman suvaičuksen meih sil, gu Hristos kuoli meis tuači, konzu myö vie olimmo riähkähizet.9A ku Häi jo nygöi luadii meidy oigiekse oman veren hinnal, sidä teriämbi Häi piästäy meidy tulies vihas.10Gu kerran Jumalan Poijan kuolendu toi meidy sobuh Jumalanke, konzu myö olimmo Hänen vihaniekat, sidä enämbäl Jumalan Poijan elaigu piästäy meidy nygöi, gu sobuh on piästy.11Täs vie ei ole kai. Myö löyhkämmö vie Jumalal, kudamanke tulimmo sobuh meijän Ižändän Iisusan Hristosan kauti.
12Yhten ristikanzan, Adaman, kauti riähky tuli muailmah, da riähkänke tuli surmu. Muga surmu tuli kaikkien ristikanzoin ozakse, sendäh gu kaikin luajittih riähkiä.13Olihäi riähky muailmas jo enne Zakonua, no kus ei ole Zakonua, sie riähkii ei čotaija.14No surmu pidi valdua kaikkien piäl Adamas Moiseih suate, niilöingi piäl, kudamat ei hairahtuttu kui Adam, kudai meni Jumalan käskyy vastah.
Adam on kuva Hristosas, kudamal pidi tulla jällespäi.15No yksikai Adaman hairahtustu ei sua ni rinnale panna Jumalan hyvyönke. Yhten ristikanzan hairahtus toi kaikile kuolendan, no äijiä enämbäl Jumalan armo da Hänen lahju tuldih yhten ristikanzan, Iisusan Hristosan, hyvyön kauti kaikile.16Tädä lahjua ei sua ni rinnale panna senke, midä toi yhten ristikanzan riähky muailmah. A mindäh? Sendäh, gu yhtele riähkäle jälles tuli suudo, kudamal suudittih häviendäh, a äijile riähkile jälles tuli Jumalan hyvys, kudai piästäy oigiekse.17Yhten ristikanzan hairahtus luadii sen, gu surmu tämän yhten täh rubei pidämäh valdua. No äijiä enämbäl yhten ristikanzan, Iisusan Hristosan, täh ruvetah elaijas pidämäh valdua net, kudamat suadih Jumalan ylen suuren hyvyön da lahjan piästä oigiekse.
18Sendäh, muga kui yhten ristikanzan riähkän täh kaikkii suudittih häviendäh, mugai yhten ristikanzan oigien ruavon täh kai ristikanzat piästäh oigiekse da suajah elaigu.19Muga kui yhten kuulemattoman ristikanzan täh kaikkii luajittih riähkähizekse, muga yhten sanankuulijan ristikanzan täh kaikkii luajitah oigiekse.20Zakon tuli muailmah, gu nägys, kui suuri on riähky. No kus riähky rodih suurekse, sie Jumalan hyvys rodih äijiä kerdua suurembakse.21Muga kui riähky pidi valdua da vedi surmah, mugai Jumalan hyvys pidäy valdua da vedäy ilmanigäzeh elaigah meijän Ižändän Iisusan Hristosan täh, kudai luadii meidy oigiekse.
Глава 5