Выбрать язык
Книги Ветхого Завета
Книги Нового Завета
с русским текстом1Midä hyviä sit on olla jevreinny da midä abuu on ymbärileikkuandas?2Äijy da kaikenjyttymiä! Enzimäzikse se, gu Jumal andoi oman sanan heijän käzih.3No hos erähät ei oldu suremattomat, ei taki se riko Jumalan suremattomuttu?4Tiettäväine, ei! Oldahes hos kai rahvas muanittelijat, Jumal yksikai ei muanita. Onhäi Häneh näh sanottu Pyhis Kirjutuksis:
- Sinä roittos oigei sanois i voitat suvvos.
5No ku meijän viärys avuau Jumalan oigien, midä meil sit sanuo? Ongo Jumal viäry - pagizen nygöi rahvahan luaduh -, gu työndäy oman vihan meijän piäle?6Tiettäväine, ei! Eiga kui Häi vois sit suudie muailmua?7No ku minun kielahuon vuoh Jumalan tozi nägyy parembi da tuou Hänele kunnivuo, mikse sit minuu suuditah gu riähkähisty?8Ei taki se ole muga, kui erähät meidy kiruojat kiistetäh, buite myö sanommo: «Luajikkuammo vai pahua, rodieu hyviä!» Net kiistäjät suajah oigei suudo.
9Kuibo sit? Olemmogo myö, jevreit, muidu parembat? Ni pikoi vähästy. Vastehäi ielpäi toin teijän korvih toven, gu kaikin, kui jevreit mugai gretsieläzet, ollah riähkän vallas.10Onhäi Pyhis Kirjutuksis sanottu:
- Ei ole oigiedu, ni yhty,
11ni ainavuo ellendäjiä, nikedä, ken eččiy Jumalua.
12Kaikin lähtiettih dorogaspäi bokkah, kaikin roittih pädemättömikse.
Ei ole nikedä, ni yhty, ken luadiu hyviä.
13Heijän keroi on avvonaine kalmu, kielel hyö muanitellah, heijän kielen al on mavon juadu,
14heijän suu on täyzi kargiedu kirovuo.
15Kirmielöil jalloil hyö juostah valuttamah verdy,
16hävitys da kurjus on heijän jällil.
17Rauhuon dorogua hyö ei tietä,
18ei ole heijän silmis Jumalan varavuo.
19Myö tiijämmö: midä Zakon sanou, sen se sanou niilöile, kel on Zakon, anna kaikin vaikastutah, i kai miero roih viäry Jumalan ies.20Eihäi ni yksi ristikanzu rodei oigiekse Jumalan ies Zakonan käskylöin novvandal. Zakonan kauti ristikanzu tiijustau omat riähkät.
21A nygöi Jumalan oigei, kudamah näh sanellah Zakon da Jumalan iänenkandajat, oli avattu Zakonattah.22Tämä Jumalan oigei tulou uskon kauti Iisussah Hristossah, i sen suajah kaikin, ket uskotah. Kaikin ollah yhtenjyttyöt,23gu kaikin luajittih riähkiä, eigo heis ole Jumalan valgiedu.24No ihan ilmai, Hänen hyvyön täh, hyö piästäh oigiekse, sikse gu Hristos Iisus piästi heidy välläle.25Händy Jumal andoi žertvakse riähkis. Hänen veri tuou prosken'n'an niilöile, ket uskotah. Jumal luadii tämän, gu ozuttua oma oigei sil, gu tirpi da prostii rahvahan mennyön aijan riähkät.26Häi luadii sen vie sikse, gu jiävie oma oigei nygözel aijal, anna nägys: Häi iče on oigei da luadiu oigiekse sen, kudai uskou Iisussah.
27Ongo sit mil löyhkiä? Ei ole, se on hävitetty. Mi zakon sen hävitti? Sego, kudai kyzyy ruadoloi? Ei se, a uskon zakon.28Myö tulimmo sit sih: ristikanzu piäzöy oigiekse uskol, a ei Zakonan novvandal.29Jokse Jumal on vai yksien jevreilöin Jumal? Eigo Häi ole toiziengi rahvahien Jumal? On toiziengi rahvahien,30gu kerran Jumal on yksi. Häi luadiu oigiekse ymbärileikatut, gu net uskotanneh, dai ymbärileikkuamattomat, kudamat uskotah.31Hävitämmögo myö sit Zakonan uskol? Emmo nikui hävitä, a lujendammo sen, midä Zakon sanou.
Глава 3