Библия на финно-угорских языках

•   
• Главная
• Библия
• Библейские рассказы
• Аудио
• Загрузки
• Контакты

Библия

Выбрать язык vienankarjalakšilivviksevepsän kelelмокшексэрзякскоми кыв вылынкоми-пермяцкöй кыв вылынмарлакырык марлаудмурт кылынмāньси лāтӈылханты ясаӈан

Книги Ветхого Завета Выбрать книгу про «Библия»Содержание1-я книга Моисеева. БытиеКнига РуфьПсалтирьПритчиИсаияИона

Книги Нового Завета про «Uuzi Sana»содержаниеот Матфеяот Маркаот Лукиот ИоаннаДеянияИакова1-e Петра2-e Петра1-e Иоанна2-e Иоанна3-e ИоаннаИудак Римлянам1-е Коринфянам2-е Коринфянамк Галатамк Ефесянамк Филиппийцамк Колоссянам1-е Фессалоникийцам2-е Фессалоникийцам1-е Тимофею2-е Тимофеюк Титук Филимонук ЕвреямОткровение

IIVANAN ENZIMÄINE KIRJAINE

Lugu 5

Usko voittau muailman

1Jogahine, ken uskou sen, gu Iisus on Hristos, se on rodinuhes Jumalaspäi, i jogahine, ken suvaiččou lapsen vahnembua, se suvaiččou lastugi.2Sit myö tiijämmö, myö suvaičemmo Jumalan lapsii, gu suvaičemmo Jumalua da novvammo Hänen käskylöi.3Sehäi ongi Jumalan suvaičendu, gu myö novvammo Hänen käskylöi. I Hänen käskyt ei olla jygiet,4gu jogahine, ken on rodinuhes Jumalaspäi, voittau muailman. A se voitto on meijän usko, se voitti muailman.

5Ken vie voibi voittua muailman, gu ei se, kudai uskou: Iisus on Jumalan Poigu. Ken?

Jumalan tovendus Iisussah Hristossah näh

6Häi, Iisus Hristos, tuli vien da veren kauti, i tuli ei vai yhten vien, a vien da veren kauti. I Hengi on tovendajannu, sikse gu Hengi on tozi.7Kolme on tovendajua [taivahas: Tuatto, Sana da Pyhä Hengi, i net kolme ollah yksi.8I kolme on tovendajua mual]: Hengi, vezi da veri, i net kolme sanotah yhty.9Myö uskommo rahvahan tovenduksen, a äijiä lujembi on Jumalan tovendus, sendäh gu se on Jumalan tovendus, i Häi tovendi omah Poigah näh.10Ken uskou Jumalan Poigah, sil on tovendus omas ičes. No ken ei usko Jumalan tovendustu, luadiu Hänes kielastajan, sendäh gu ei usko, midä Jumal tovendi omah Poigah näh.11I tämä on se tovendus: Jumal andoi meile ilmanigäzen eloksen, i tämä elos on Hänen Poijas.12Kel on Poigu, sil on elos. Kel ei ole Jumalan Poigua, sil ei ole elostu.

Ilmanigäine elos

13Kaiken tämän minä kirjutin teile, kudamat uskotto Jumalan Poijan nimeh, gu työ tiedäzittö: teil on ilmanigäine elos.14I tämä on se surematoi usko, kudai meil on Häneh: gu kyzynemmö midä Hänen tahton mugah, Häi kuulou meidy.15I ku tiijämmö, Häi kuulou meidy, kyzynemmö myö hos midä, tiijämmö, meil on se, midä kyzyimmö Hänes.

16Gu ken nähnöy vellie luadimas riähkiä, kudai ei vie surmah, anna molihes se, kudai nägi, i Jumal andau sille riähkänluadijale elaijan; minä pagizen niilöis, kenen riähky ei vie surmah. No on riähkiä, kudai vedäy surmah, i moizes riähkäs minä en kuču molimahes.17Kai viärys on riähky, no on riähkiä, kudamat ei vietä surmah.

18Myö tiijämmö: ni yksi Jumalaspäi rodinuhes ei luaji riähkiä. Häi, kudai rodiihes Jumalaspäi, vardoiččou jogahistu heis muga, ga pahalaine ei koskei heih.19Myö tiijämmö, myö olemmo Jumalaspäi, no kai muailmu on pahalazen vallas.

20Tiijämmö myö i sen: Jumalan Poigu on tulluh da andanuh meile ellendyksen, gu tiijustazimmo Händy, kudai on Tovelline. Täs Tovellizes myö elämmö, gu olemmo Hänen Poijas Iisusas Hristosas. Häi on tozi Jumal da ilmanigäine elos.

21Lapsuot, pyzykkiä eriže valehjumalois!

 Глава 5