Выбрать язык
Книги Ветхого Завета
Книги Нового Завета
с русским текстом1Ižändy käski suurele kalale lainota Jonua, i Jona kolme päiviä da kolme yödy oli kalan vačas.2Kalan vačas Jona moliihes Ižändäle, omale Jumalale,3da sanoi:
– Ižändiä kirruin minä minun tuskis,
i Häi kuuli minuu;
tuonilmazen keskes iänistimmös,
i Sinä kuulit minun iänen.
4Sinä lykkäit minuu syvyöh,
meren sydämeh,
i vezivirrat oldih minus ymbäri,
kai Sinun vezibauhut da allot matkattih minun piäl.
5Minä sanoin:
«Ajettu iäre olen minä Sinun silmis,
no minä uvvessah näin vie Sinun pyhäkoin».
6Vezi kaikkielpäi ahtisti minuu hengenlähtendässäh,
syvyöt salvattih minuu,
merikazl’at punottihes piäs ymbäri.
7Minä painuin mägilöin pohjah,
mua omil salvaččimil ijäkse salbai minuu;
no Sinä, Ižändy, minun Jumal,
piästit minun hengen uavus.
8Konzu loppiettihes minun hengen väit,
minä mustin Ižändäs,
i minun malittu tuli Sinussah, Sinun pyhäkodih.
9Net, kuduat uskotah tyhjih da kielahih jumaloih,
hyllättih Sinun, oman Hyvyönluadijan.
10A minä tuon Sinule verhakse omat kiitändysanat.
Midä uskaldin, sen minä täytän;
vai Ižändäs on piäzendy!
11Sit Ižändy käski suurele kalale, i se piästi Jonua kuivale muale.
Глава 2