1 Assirien tsuarin Sargonan työtty Tartan tuli Azotan rinnale, torai Azotua vastah da voitti.2 Sil vuvvel, juuri sil aijal Ižändy sanoi Isaijale, Amosan poijale, nenga: «Mene, heitä piäl huavosovat da sandalit jallas». Häi mugai luadii, käveli alasti da kengätä.
«Kui Minun orju Isaija käveli alasti da kengätä kolme vuottu ennustuksennu da merkinny Jegiptale da Efiopiele,4 muga Assirien tsuari ajau kiinniotettuloi Jegiptaspäi da pakkosiirdolazii Efiopiespäi, nuorii da vahnoi alasti da kengätä, perziet avvoi Jegiptan huigiekse.5 Sit kauhištutah da huijustetahes netgi, ket uskottih Efiopieh da hyväkse mendih Jegiptal.6 Sit sanotah sinä päivänny sen rannan rahvas: Kačo, mittumat ollah net, kudamih myö uskoimmo da ečiimmö abuu, gu piästä Assirien tsuaris! Kuibo myö piässyzimmö?»
с русским текстом