1 Sinä päivänny sinä sanot: «Minä kiitän Sinuu, Ižändy. Sinä olit suuttunuh minun piäle, no lauhtuit i urostit minuu. 2 Kačo, Jumal on minun piästäi. Minä uskon Häneh, en varua, sikse gu Ižändy on minun vägi dai pajo, Häi piästi minuu». 3 Hyväs mieles rubietto ammuldamah vetty piäzendän lähtielöis. 4 Sinä päivänny työ sanotto: «Kiitäkkiä Ižändiä, kučukkua abuh Hänen nimie! Sanelkua rahvahale Hänen ruadolois, nostakkua Hänen nimie. 5 Pajatakkua Ižändäle, sikse gu luadi suuren ruavon! Anna tietäh sen kaikkie muadu myö. 6 Ihastelei da pie hyviä mieldy, Sionan eläi! Suuri on sinun keskes Izrail՚an Pyhä».
с русским текстом