1Davidan psalmu. Pajatakkua Ižändäle uuzi pajo! Häi on luadinuh kummii, Hänen oigei käzi, Hänen pyhä vägi tuodih Hänele voitto. 2 Ižändy ozutti Omat piäständyruavot, Häi ozutti muailman rahvahien ies Oman oigien mielen. 3 Häi musti Oman armon Juakoidu vaste, Oman suremattomuon Izrail՚an rahvastu vaste. Kai muan agjat nähtih, kui Jumal piästi meidy. 4 Nosta iloiäni Ižändäle, kai mua! Pidäkkiä hyviä mieldy, iloikkuattos da pajatakkua! 5 Pajatakkua Ižändäle liiranke, liiranke da arfan iänienke! 6 Torven dai sarven iänil ylendäkkiä Suarii, Ižändiä! 7 Bauhukkah meri da kai, midä sie on, kai mua dai sen eläjät. 8 Anna jovet taputetah käzii, anna yhtytäh mäit niilöin iloh 9 Ižändän silmien ies. Häi tulou suudimah muadu. Häi rubieu suudimah muadu oigevuon mugah, kaikkii sen rahvahii oigiel suvvol.
с русским текстом