Библия
Выбрать язык
Книги Ветхого Завета
Книги Нового Завета
с русским текстом
PSALTIRI
91 Psalmu
1 Psalmu. Suovattupäivän pajo.2 Hyvä on kiittiä Ižändiä,
pajattua Sinun nimele, Ylimäine,
3 sanella huondeksel Sinun armoh näh,
a illal Sinun todeh näh
4 arfal da liiral soittajen,
kymmendy kieldy heläittäjen.
5 Sinä, Ižändy, ihastutit minuu Sinun ruadoloil,
minä pien iluo Sinun käzien ruadoloin täh.
6 Mittumat suuret ollah Sinun ruavot, Ižändy!
Mittumat syvät ollah Sinun mielet!
7 Tyhmy sidä ei tiijä, mieletöi ei ellendä.
8 Hos jumalattomat rehoitetah kui heiny,
hos viäryönluadijat kukitah,
no hyö hävitäh ijäkse.
9 A Sinä, Ižändy, olet Ylimäine ilmazenijän.
10 Sinun vihaniekat sorrutah,
Sinun vihaniekat sorrutah, Ižändy,
kai viäryönluadijat levitäh.
11 A minun vägi nouzou kui meččyhäkin sarvi,
Sinä voidelet minuu vereksel pyhävoil.
12 Minun silmät nähtäh minun vihaniekkoin kuadumine,
minun korvat kuultah minuu vastah noussuzien häviendäs.
13 Oigeimielizet vihoitetah kui pal՚mat,
kazvetah kui kedrat Livanal.
14 Heidy on istutettu Ižändän pyhäkodih,
hyö viherdetäh meijän Jumalan pihois.
15 Vahnannugi hyö annetah andimii,
ollah vihandat da tävvet mahlua.
16 Hyö sanellah Ižändän oigieh mieleh näh.
Häi on minun kallivo, Hänes ei ole viärytty.
Глава 91
