Библия
Выбрать язык
Книги Ветхого Завета
Книги Нового Завета
с русским текстом
PSALTIRI
85 Psalmu
1 Davidan malittu. Ižändy, kuule minun malittu,
vastua minule,
minä olen köyhy da kurju.
2 Vardoiče minun hengie,
minä kumardammos Sinun ies.
Piästä, Jumalazeni, Sinun käskylästy,
kudai hengästelehes Sinuh.
3 Ižändy, armahta minuu!
Joga päiviä kučun Sinuu abuh.
4 Ižändy, ihastuta Sinun käskyläzen hengi,
gu Sinun luo minä sidä ylendän.
5 Sinähäi, Ižändy, olet hyvä,
Sinä prostit da annat äijän armuo kaikile,
ket kučutah Sinuu abuh.
6 Kuule minun malittu, Ižändy,
kuundele tarkah minun pokoroičendua.
7 Sinuu minä hiäs kučun, gu Sinä kuulet minuu.
8 Ižändy, ei ole jumaloin joukos Sinun jyttymiä,
eigo ole Sinun ruadoloin jyttymii ruadoloi.
9 Sinä olet luadinuh kai muailman rahvahat.
Hyö tullah Sinun edeh da kumardetahes Sinule,
hyö kunnivoijah Sinun nimie, Ižändy.
10 Sinä olet suuri da luajit kummua,
vai Sinä yksi olet Jumal.
11 Ižändy, nevvo minule Sinun dorogu,
ku kävelizin Sinun toves.
Pane syväh minun syväimeh
Sinun nimen varavo.
12 Ižändy, Jumalazeni, rubien kiittämäh Sinuu tävvel syväimel,
kunnivoimah Sinun nimie ilmazenijän.
13 Suuri on Sinun hyvys minuu vaste,
Sinä nostit minun hengen tuonilmazien syvyöspäi.
14 Jumal, julgiet nostih minuu vastah,
joukko vägivaldastu tahtou ottua minun hengen.
Hyö ei ni kačahtetahes Sinuh.
15 No Sinä, Ižändy, olet armokas Jumal,
prostit kaikkii.
Sinä olet tirpačču,
Sinun hyvys da tozi ollah suuret.
16 Kačo minuh päi da armahta minuu!
Anna minule vägie, piästä minuu,
olenhäi Sinun käskyläine,
Sinun käskyläsnaizen poigu.
17 Anna vihjeh, kudai uskaldau minule hyviä.
Anna nähtäh se minun vihuajat,
anna roihes heile huigei,
gu Sinä, Ižändy, autat da urostat minuu.
Глава 85
