Библия
Выбрать язык
Книги Ветхого Завета
Книги Нового Завета
с русским текстом
PSALTIRI
84 Psalmu
1 Pajojoukon ohjuajale. Korahilazien psalmu.2 Ižändy! Sinä olet olluh hyvä Omua muadu vaste.
Sinä kiännit hyväh päi Juakoin rovun ozan.
3 Sinä prostiit Sinun rahvahan riähkät,
katoit kai heijän pahat ruavot.
4 Sinä lauhtutit Oman tavan,
sammutit Sinun vihan tulen.
5 Kiänny uvvessah meijän puoleh, Jumal,
meijän Piästäi,
älä enämbiä pie vihua meijän piäle!
6 Vihavuitgo Sinä ijäkse?
Jatkuugo Sinun viha polves polveh?
7 Etgo elavuta meijän hengie,
ku Sinun rahvas voidas ihastellakseh Sinus?
8 Ižändy, anna meile nähtä Sinun armo,
piästä meidy.
9 Minä kuundelen, midä Ižändy Jumal sanou.
Häi uskaldau rauhan Omale rahvahale,
Omile vallittuloile,
äldähes hyö enämbiä yöksyttähe mielettömyöh.
10 Häi auttau niilöi, kuduat Händy varatah,
i meijän mua suau järilleh kunnivon.
11 Armo da tozi vastavutah,
oigei mieli da rauhu ukatahes.
12 Tozi nouzou muaspäi,
oigei mieli kaččou alah taivahaspäi.
13 Ižändy andau kaikkie hyviä,
a meijän mua andau uudizen.
14 Tozi astuu Ižändän ies
dai noudau Hänen jälgii.
Глава 84
