Библия
Выбрать язык
Книги Ветхого Завета
Книги Нового Завета
с русским текстом
PSALTIRI
83 Psalmu
1 Pajojoukon ohjuajale. Soitetah gefalazien soittimel. Korahilazien psalmu.2 Mittuot čomat ollah Sinun eländykohtat,
Vägilöin Ižändy!
3 Minun syväin atkaloiččehes,
tahtou piästä Ižändän pyhäkoin pihoih.
Minun hengi da rungu nostetah iloiäni,
konzu tulen elävän Jumalan luo.
4 Vägilöin Ižändy, minun Suari da minun Jumal!
Sinun altariloin luo linduinegi löydäy ičelleh eländykohtan,
piäsköi pezän, kus kazvattua poigazet.
5 Ozakkahat ollah net, ket voijah eliä Sinun kois,
hyö ainos ylendetäh Sinuu.
6 Ozakkahat ollah net, ket suahah vägie Sinus,
kel mieles ollah pyhät matkat.
7 Itkuahon kauti mennes hyö avatah sit viennouzemat,
vihmugi hyvittäy heidy.
8 Askeles askeleh heijän vägi kazvau,
i hyö tullah Jumalan edeh Sionale.
9 Ižändy, Vägilöin Jumal, kuule minun malittu!
Kuundele tarkah, Juakoin Jumal!
10 Jumal, meijän puolistai!
Kačo Oman voijeltun puoleh!
11 Parembi olla yksi päivy Sinun pyhäkoin pihois,
migu olla tuhat päiviä muijal.
Parembi olen pakiččijannu Jumalan koin kynnyksen ies,
migu rubien elämäh jumalattomien levon al.
12 Ižändy Jumal on päiväine da suojusraudu,
Ižändy andau meile armon dai kunnivon.
Häi ei jätä hyvyzittäh niilöi, ket eletäh oigieh.
13 Vägilöin Ižändy, ozakas on se,
ken luottau Sinuh!
Глава 83
