Библия
Выбрать язык
Книги Ветхого Завета
Книги Нового Завета
с русским текстом
PSALTIRI
82 Psalmu
1 Pajo. Asafan psalmu.2 Jumal, älä ole vaikkani!
Älä ole sanattomannu,
älä ole hil՚l՚u, Jumal!
3 Sinun vihaniekat iännetäh,
Sinun vihuajat nostetah piät.
4 Hyö keksitäh muanitustu Sinun rahvastu vastah,
paistah keskenäh, kui menettiä Sinun vardoittuloi.
5 Hyö sanotah: «Lähtemmö da hävitämmö heidy!
Lopemmo sen rahvahan,
ku kai Izrail՚an nimigi unohtus!»
6 Hyö sovittih keskenäh,
luajittih Sinuu vastah sobu:
7 Edoman stuanukylät da izmail՚alazet,
Moav da agarilazet,
8 Geval, Ammon da Amalik,
Filistii da Tiiran eläjät.
9 Assurgi yhtyi heih, tuli abuh Lotan jälgeläzile.
10 Luaji heile muga, kui luajiit Madiamale,
kui luajiit Siserale,
kui Javinale Kissonan ojan luo.
11 Heidy hävitettih Aendoras,
hyö mendih muan höstiekse.
12 Luaji heijän kniäzilöile muga,
kui luajiit Orivale da Sivale,
heijän piälikkölöile kui Zeveile da Salmanale,
13 kuduat sanottih:
«Otammo omah valdah Jumalan eländykohtat».
14 Jumalazeni, oldahes hyö kui pöly tuulispyöröis,
oldahes kui ollet tuules.
15 Kui tuli poltau mečän,
kui tulenroihu korvendau mäit,
16 muga aja heidy jälles Sinun bauhul,
pöllätä heidy Sinun tuulispyöröil.
17 Aja heidy huigieh,
ku hyö ečittäs abuu Sinus, Ižändy!
18 Huijustettahes da pöllästyttähes ijäkse,
suadahes kunnivoitoi loppu.
19 Tiijustettahes hyö, ku Sinä olet Ižändy,
ainavo Jumal, muailman Ylimäine!
Глава 82
