Библия
Выбрать язык
Книги Ветхого Завета
Книги Нового Завета
с русским текстом
PSALTIRI
75 Psalmu
1 Pajojoukon ohjuajale. Kielisoittimil. Asafan psalmu. Pajo.2 Jumal on tundiettu Juudies,
Hänen nimi on kuulužu Izrail՚as.
3 Hänen kodi on Salimas,
eländysija Sional.
4 Sie Häi murdi tulizet piilit,
suojusravvat, miekat da kai toravehkehet.
5 Suuri on Sinun kunnivo,
olet suurembi ilmanigäzii mägilöi.
6 Toramiehil otettih toravehkehet,
hyö uinottih uneh,
kaikkien voittajien käzis hävii vägi.
7 Gu Sinä iänistittös, Juakoin Jumal,
hevot dai ajajat vaivuttih uneh.
8 Sinä olet varattavu.
Sinun vihan syttyhyy ken kestäy Sinun ies?
9 Taivahaspäi Sinä kuuloitat suvvonpiätöksen.
Mua pöllästyy da hillenöy,
10 konzu Jumal nouzou suvvole,
ku piästiä kaikkii muan polgiettuloi.
11 Rahvahien vihagi koiduu Sinule ylendyksekse,
vihan jiännökset Sinä kezität.
12 Luadikkua se, min oletto uskaldannuh Ižändäle,
teijän Jumalale!
Kaikin ymbärieläjät, tuogua Hänele, Varattavale, lahjat.
13 Häi luadiu sanankuulijoikse kniäzit,
Händy varatah muan suarit.
Глава 75
