Библия
Выбрать язык
Книги Ветхого Завета
Книги Нового Завета
с русским текстом
PSALTIRI
74 Psalmu
1 Pajojoukon ohjuajale. Pajatetah kui «Älä hävitä». Asafan psalmu. Pajo.2 Myö kiitämmö Sinuu, Jumal, kiitämmö Sinuu,
kučummo abuh Sinun nimie,
sanelemmo Sinun kummanruadoloih näh.
3 «Minä, Ižändy, valličen aijan
i rubien suudimah oigiel suvvol.
4 Särizöy mua, säristäh kai sen eläjät,
no Minun paččahat pietäh se sijoilleh.
5 Minä sanon niilöile, ket kohistah:
‘Älgiä kohiskua!’
a jumalattomile sanon: ‘Älgiä nostakkua sarvii!
6 Älgiä nostakkua korgiele omii sarvii!
Älgiä paiskua julgieh Jumalah näh!’»
7 Ei päivännouzus, ei päivänlaskus,
ei tyhjäs muas tule heile piästäjiä.
8 A Jumal on suudiju:
yhty Häi alendau, tostu – ylendäy.
9 Ižändäl käis on mal՚l՚u, kudai on täyzi
kuohujua viinua, vägeväkse sevoitettuu.
Häi valau sit mal՚l՚as kaikile muan jumalattomile.
Heile tulou juvva kai, pohjuksetgi puzerdua.
10 A minä rubien ainos sanelemah Ižändäh näh,
rubien pajol ylendämäh Juakoin Jumalua.
11 Häi katkou kai jumalattomien sarvet,
no oigeimielizen sarvet nostau korgiele.
Глава 74
