Библия
Выбрать язык
Книги Ветхого Завета
Книги Нового Завета
с русским текстом
PSALTIRI
69 Psalmu
1 Pajojoukon ohjuajale. Pajatetah mustelendu-verhua andajes. Davidan psalmu.2 Huolita, Jumal, minuu piästämäh!
Huolita minule abuh, Ižändy!
3 Nähtähes huigei da ruskottahes net,
kuduat vardoijah minun hengie.
Voitettuloinnu pajettahes da puututtahes nagrettavakse net,
kuduat tahtohat minule pahua.
4 Huigies myöstyttähes järilleh net,
kuduat sanotah minule: «Kačo, hyvä tuli!»
5 No net, ket ečitäh Sinuu,
ihasteltahes da kirruttahes hyväs mieles Sinun periä.
Net, ket suvaijah Sinun abuu,
sanottahes ainos: «Ylendetty olgah Jumal!»
6 Minä olen köyhy da kurju,
Jumal, huolita minun luo!
Sinä olet minun abu da Piästäi.
Ižändy, älä hätkesty!
Глава 69
