Библия
Выбрать язык
Книги Ветхого Завета
Книги Нового Завета
с русским текстом
PSALTIRI
63 Psalmu
1 Pajojoukon ohjuajale. Davidan psalmu.2 Jumal, kuule minun iäni, konzu panen malittuu.
Kačo da vardoiče minuu, ku en varuas vihaniekkoi.
3 Peitä minuu pahanluadijoin tahtolois,
vihaniekkoin hälylöis.
4 Hyö teroitettih omat kielet kui miekat,
heijän sanat ollah kui juadupiilit,
5 kudamil hyö peitoči ammutah viärättömäh.
Vuottamattah hyö ammutah häneh, eigo varata.
6 Hyö yllytetäh toine tostu pahah,
kuhkutetah panemah verkoloi,
sanotah: «Sidä niken ei näi».
7 Hyö havvotah pahua,
ečitellähes, midä ristikanzal on piäs,
midä on hänel syväimen syvyös.
8 No Jumal ambuu heih piilil,
vuottamattah hyö suahah iškut.
9 Hyö öntästytäh omih paginoih.
Kaikin, ket nähtäh heidy, pajetah heis.
10 Kai rahvas ruvetah varuamah.
Hyö ruvetah sanelemah Jumalan ruadolois
i otetah net vardeh.
11 Oigeimieline pidäy hyviä mieldy Ižändäs,
luottau Häneh.
Kai toveleläjät pietäh iluo.
Глава 63
