Библия
Выбрать язык
Книги Ветхого Завета
Книги Нового Завета
с русским текстом
PSALTIRI
62 Psalmu
1 Davidan psalmu. kuduan häi kirjutti, konzu oli Juudan tyhjäs muas.2 Jumal, Syöttäjäzeni!
Sinuu ečin jo päiväzen nostes.
Minun hengi palau Sinuh,
minun rungu vuottau Sinuu
tyhjäs, kuivanuos, viettömäs muas.
3 Minä näin Sinuu pyhäkois,
näin Sinun väin da kunnivon.
4 Sinun armo on parembi elaigua.
Minun suu ylendäy Sinuu.
5 Minä kiitän Sinuu ainos, kuni elän.
Sinun nimes nostan käit.
6 Sinä syötät minuu kui parahas gostitandustolas,
i minä ylendän Sinuu ilopajol.
7 Minä duumaičen Sinuh näh magavosijal,
pien Sinuu mieles yön vardoičenduaijoil.
8 Sinähäi tulit minule abuh,
Sinun siibien al minä kirrun hyväs mieles.
9 Kogo hengen väil minä tartun Sinuh,
Sinun oigei käzi on minule tuvennu.
10 A net, kuduat ečitäh surmua minun hengele,
mennäh muan syvyöh.
11 Heidy tapetah miekal,
heis roihes sualis reboloile.
12 Andakkah Jumal äijän iluo suarile.
Pidäkkäh hyviä mieldy jogahine,
ken andau sanan Jumalan nimel.
A kielastelijoin suut typitäh.
Глава 62
