Библия
Выбрать язык
Книги Ветхого Завета
Книги Нового Завета
с русским текстом
PSALTIRI
60 Psalmu
1 Pajojoukon ohjuajale. Kielisoittimil. Davidan psalmu.2 Jumal, kuule minun kirrundu,
kuundele minun malittuu!
3 Muan agjas kirrun Sinuu,
konzu minun syväin vaibuu.
Nosta minuu kallivole,
kunne iče en voi nosta.
4 Sinä olet minun suojusija,
luja puolistai vihaniekois.
5 Anna minul ainos eliä Sinun kois,
olla suojas Sinun siibien al.
6 Jumal, Sinä kuulit minun uskalmot,
annoit minulegi jälgiperän,
kuduan suahah Sinun nimen varuajat.
7 Ližiä suarile päivii,
hänen igä jatkukkah polves polveh.
8 Olgah häi ainos Jumalan silmien ies,
armo da tozi vardoittahes händy.
9 Sit minä ainos pajatan Sinun nimen kunnivos,
päiväs päiväh täytän sen, min uskaldin.
Глава 60
