Библия
Выбрать язык
Книги Ветхого Завета
Книги Нового Завета
с русским текстом
PSALTIRI
46 Psalmu
1 Pajojoukon ohjuajale. Korahilazien pajo.2 Pläkytäkkiä käzii, kai muailman rahvahat,
kirgukkua Jumalale hyväs mieles!
3 Ižändy on Ylimäine, varakkua Händy!
Häi on suuri, kogo muailman Suari.
4 Häi painoi muailman rahvahat meijän vallan alle,
rahvasrovut meijän jalgoin alle.
5 Häi valličči meile jälgiperän,
Juakoin čoman muan, kuduadu Häi suvaiččou.
6 Jumal nouzi Omale valduistuimele iloiänien kajistes,
Ižändy tuli torven soittajes.
7 Pajatakkua meijän Jumalale, pajatakkua,
pajatakkua meijän Suarile, pajatakkua!
8 Jumalhäi on kaiken muailman Suari.
Pajatakkua Hänele mielevästi!
9 Jumal on muailman rahvahien Suari,
Jumal istuu Omal pyhäl valduistuimel.
10 Muailman rahvahien valdumiehet
kerävyttih yhteh Avraaman jälgeläzienke,
gu Jumalan vallas ollah kai muan vägevät.
Häi on Ylimäine.
Глава 46
