1Pajojoukon ohjuajale. Korahilazien pajo. Pajatetah korgies iänitazos. 2 Jumal on meijän suoju dai vägi, avvuttai hiäs. 3 Sikse emmo varua, hos mua lekahtazih dai mäit siirryttäs meren syvyöh. 4 Kohistahes merien viet, nostahes allot, säristähes mäit Jumalan suuruon ies. 5 Jogi da sen šuarat veseldetäh Jumalan linnua, Ylimäzen pyhiä eländysijua. 6 Jumal on Oman linnan keskel, se ei lekahtai, Jumal avvuttau sidä huondeksen vallottuu. 7 Muailman rahvahien meri kohizou, valdukunnat liikutah. Ylimäine andau Oman iänen, i mua särähtäh. 8 Vägilöin Ižändy on meijänke, Juakoin Jumal on meijän puolistai. 9 Tulgua, kaččokkua Ižändän ruadoloi, midä varattavua luadi Häi mual. 10 Häi hävittäy torat kogo muailmas, murendau jouhet, katkou keijähät, poltau tules torakärryt. 11 «Azetukkua da tiedäkkiä: Minä olen Jumal, kaikkii muailman rahvahii korgiembi, kaikis korgiembi muan piäl». 12 Vägilöin Ižändy on meijänke, Juakoin Jumal on meijän puolistai.
с русским текстом