Библия
Выбрать язык
Книги Ветхого Завета
Книги Нового Завета
с русским текстом
PSALTIRI
41 Psalmu
1 Pajojoukon ohjuajale. Korahilazien opastus.2 Kui pedru juotattajes tahtou löydiä vezivirran,
muga minun hengi tahtou Sinun luo, Jumal.
3 Minun hengi tahtou piästä Jumalan luo,
elävän Jumalan luo.
Konzubo minä voin tulla Hänen luo,
jiäviekseh Hänen silmien edeh?
4 Kyynälet ollah minule leivänny päiväl dai yöl,
gu minul joga päiviä kyzytäh:
«Kus on sinun Jumal?»
5 Tuskis minä mustelen,
kui vesseläs pruazniekas astuin jumalankodih
suures rahvasjoukos iloiänenke da ylendyspajonke.
6 Mikse olet pahas mieles minun syväin?
Mikse olet rauhatoi? Vuota Jumalua!
Vie minä kiitän Händy,
omua Piästäjiä, minun Jumalua.
7 Pahamieli ottau vallan minun piäl,
sikse minä mustelen Sinuu Jordanan mual,
Jermonal da Tsoarmäil.
8 Syvys kirguu syvyöle Sinun koskien bauhul,
kai Sinun viet, kai Sinun allot tuisketah,
mennäh minus piäliči.
9 Päiväl Ižändy jiäviy oman armon,
yöl nouzou minun ylendyspajo Hänele,
minun malittu minun elaijan Jumalale.
10 Sanon Jumalale, minun puolistajale:
«Mikse Sinä unohtit minuu?
Mikse minä kävelen tuskas da pahas mieles
vihaniekkoin kiruondan täh?»
11 Tusku viildäy minun luuloi,
gu minun vihaniekat škel՚l՚atah minuu
da sanotah joga päiviä: «Kus on sinun Jumal?»
12 Mikse olet tuskis minun syväin?
Mikse olet rauhatoi? Vuota Jumalua!
Vie minä kiitän Händy,
omua Piästäjiä, minun Jumalua.
Глава 41
