Библия
Выбрать язык
Книги Ветхого Завета
Книги Нового Завета
с русским текстом
PSALTIRI
24 Psalmu
1 Davidan psalmu. Sinun puoleh, Ižändy, minä ylendän oman hengen.
2 Jumalazeni, Sinun abuh minä uskon,
enhäi muanittai nikonzu.
Älä anna vihaniekoile sidä iluo,
ku hyö voitettas minuu.
3 Ei puutu huigieh niken,
ken vuottau Sinus abuu.
Huigieh puututah net,
ket mennäh Sinun zakonoi vastah.
4 Ižändy, ozuta minule Sinun dorogat,
opasta minuu kävelemäh Sinun kujozil.
5 Ohjua minuu Sinun toven dorogale
da opasta minuu,
Sinä minun Jumal da avvuttai!
Sinuh minä hengästelemmös ainos.
6 Ižändy, musta minuu Sinun hyvyös da armos,
nethäi ollah ilmanigäzet.
7 Älä mustele minun nuoren aijan riähkii,
älä minun pahoi ruadoloi!
Musta minuu Sinun armon mugah,
Sinun hyvyön täh, Ižändy!
8 Hyvä da oigeimieline on Ižändy,
Häi nevvou riähkähizii oigiele tiele.
9 Häi oigieh ohjuau sanankuulijoi,
harjaittau heidy Omih dorogoih.
10 Kai Ižändän tiet ollah armo da tozi niilöile,
ket pyzytäh Hänen sovus da zakonas.
11 Sinun nimen täh, Ižändy,
prosti minun suuret riähkät.
12 Sille, ken varuau Ižändiä,
Häi ozuttau dorogan, kudai vallita.
13 Hänen hengi suau rauhan,
i hänen jälgeläzet suahah jälgiperäkse mua.
14 Ižändän varuajat tiijustetah Hänen peittomielet,
tiijustetah Ižändän luajittu sobu.
15 Minun silmät kačotah ainos Ižändäh päi,
Häi piästäy verkos minun jallat.
16 Ižändy, kiänny minuh päi da armasta minuu,
gu minä olen yksin da avutoi.
17 Minun syväintuskat suuretah,
piästä minuu minun ahtistuksis.
18 Kačahtai minun muokkih da vaivoih,
prosti minule kai minun riähkät.
19 Kačahtai, kui äijy on minul vihaniekkua,
kui lujah da vihažasti hyö vihatah minuu.
20 Kačo da vardoiče minuu, piästä minuu.
Anna en muanittai, gu Sinuh minä luotan.
21 Vardoittahes minuu puhtahus da oigevus,
Sinuhhäi minä uskon, Ižändy.
22 Jumal, piästä Izrail՚u kaikis sen ahtistuksis!
Глава 24
