1Davidan psalmu. Nedälin enzimäzenny päivänny. Ižändän on mua i kai, midä sil on, kogo muailmu i kaikin, ket sie eletäh. 2 Häi sen alusti merien piäle, lujah kiinnitti jogien piäle. 3 Ken nouzou Ižändän mäile, ken seizattuu Hänen pyhäh kohtah? 4 Se, kel on vijattomat käit da puhtas syväin, ken ei tyhjiä anna sanua, eigo kielasta Jumalan nimes omale lähembäzele. 5 Sidä ristikanzua Ižändy hyvittäy, Jumal, hänen Piästäi, armahtau händy. 6 Moine on Ižändän eččijöin rodu, Sinun eččijöin, Juakoin Jumal. 7 Kohokkua korgiekse, veriät, kohokkua korgiekse, ilmanigäzet ukset! Kunnivon Suari tulou sydämeh. 8 Ken on se kunnivon Suari? Häi on Ižändy, suuri da vägevy, Ižändy – vägevy toras. 9 Kohokkua korgiekse, veriät, kohokkua korgiekse, ilmanigäzet ukset! Kunnivon Suari tulou sydämeh. 10 Ken on se kunnivon Suari? Vägilöin Ižändy, Häi on kunnivon Suari.
с русским текстом