Библия
Выбрать язык
Книги Ветхого Завета
Книги Нового Завета
с русским текстом
PSALTIRI
19 Psalmu
1 Pajojoukon ohjuajale. Davidan psalmu.2 Kuulkah sinuu Ižändy hädäpäivänny,
vardoikkah sinuu Juakoin Jumalan nimi!
3 Työndäkkäh Häi sinule avun pyhäkois,
lujan tuven Sionalpäi!
4 Mustakkah kai sinun verhat,
ottakkah hyvin vastah sinun kylläzet poltoverhat!
5 Täyttäkkäh Ižändy kai sinun palavat toivehet
da andakkah lykkyy sinule ruadolois!
6 Myö iloičemmokseh sinun voitandua
da nostammo flagun meijän Jumalan kunnivokse.
Täyttäkkäh Ižändy kai sinun pakičendat!
7 Nygöi minä tiijän, Ižändy auttau Omua voijeltuu,
vastuau hänele Omas pyhäs taivahaspäi,
piästäy händy Oman oigien käin väil.
8 Erähät mennäh hyväkse omil torakärrylöil,
erähät – heboloil,
a myö menemmö hyväkse
Ižändän, meijän Jumalan, nimel.
9 Hyö häilähtettihes da langettih,
a myö nouzimmo i pyzymmö pystyi.
10 Ižändy, piästä suarii da kuule meidy,
konzu myö kirrummo Sinuu!
Глава 19
