Библия
Выбрать язык
Книги Ветхого Завета
Книги Нового Завета
с русским текстом
PSALTIRI
149 Psalmu
1 Alliluija!
Pyhät, pajatakkua Ižändäle uuzi pajo,
pajatakkua Hänele ylendyspajo
jumalankoin sluužbas!
2 Iloikkahes Izrail՚u omas Luadijas,
Sionan eläjät piettähes hyviä mieldy
oman Suarin täh!
3 Kiitettähes Hänen nimie tansijen,
soitettahes Hänele timpanal da liiral!
4 Ižändy suvaiččou Omua rahvastu,
Häi avvuttau sanankuulijoi,
andau heile piäzendän.
5 Hänen pyhät pajatettahes ylendyspajuo
Hänen kunnivon täh,
iloittahes yölgi magavosijal!
6 Oldahes heijän huulil kiitändypajot Jumalale,
heijän käzis olgah kaksiteräine miekku,
7 ku hyö voidas tazata muailman rahvahile,
panna kurih rahvasrovut,
8 ku voidas siduo čieppilöih heijän suariloi,
valdumiehien jallat panna raudoih
9 da suudie heidy heih niškoi kirjutetul suvvol.
Tämä on pyhien kunnivokas ruado.
Alliluija!
Глава 149
