1 Alliluija! Ylendäkkiä Ižändiä taivahis olijat, ylendäkkiä Händy korgevuksis! 2 Ylendäkkiä Händy kai Hänen anhelit, ylendäkkiä Händy kai taivahan joukot! 3 Ylendäkkiä Händy päiväine da kuudamaine, ylendäkkiä Händy kai läpettäjät tiähtet! 4 Ylendäkkiä Händy taivahien taivahat dai viet, kudamat ollah taivahan pilvis! 5 Ylendettähes net Ižändiä, sikse gu Häi sanoi, i net roittih. Kai net roittih Hänen käskys. 6 Häi azetti net ilmazekseigiä, Häi andoi niilöile zakonan, kudamua vastah net ei mennä. 7 Ylendäkkiä Ižändiä, muan piäl olijat, suuret meren eläjät dai kai syvyöt! 8 Tuli dai rais, lumi dai udu, suuri tuuli, kudai täyttäy Hänen käskyt, 9 mäit dai kai mättähät, uudizen andajat puut dai kai kedrat, 10 zvierit dai kai žiivatat, muan vilizijät dai taivahan linnut, 11 muan suarit dai kai rahvasrovut, kniäzit dai kai muan sud՚d՚at, 12 brihat dai neidizet, vahnat dai nuoret 13 ylendettähes Ižändän nimie, sendäh gu vai Hänen nimi on korgei. Hänen kunnivo on mual dai taivahis. 14 Ižändy andoi Omale rahvahale uvven väin, ku Händy ylendettäs kai Hänen pyhät, Izrail՚an rahvas, kuduat ollah Hänen lähäl. Alliluija!
с русским текстом