Библия
Выбрать язык
Книги Ветхого Завета
Книги Нового Завета
с русским текстом
PSALTIRI
145 Psalmu
1 Alliluija! Aggein da Zaharien mugah. Kiitä Ižändiä, minun hengi!
2 Minä kiitän Ižändiä, kuni elän,
pajatan ylendyspajuo minun Jumalale, kuni olen.
3 Älgiä uskokkua muan kniäzilöih,
ristikanzan poigah, kuduas ei ole piäzendiä.
4 Hänen hengi lähtöy, i häi menöy järilleh muah,
i sinäpiän kai, mih häi ottihes, jiäy kesken.
5 Ozakas on se, kenen avvuttajannu on Juakoin Jumal,
se, ken pidäy toivuo Ižändäh, omah Jumalah,
6 Häneh, kudai luadi taivahan, muan,
meren dai kai, midä niilöis on.
Häi on ainos uskottavu.
7 Ižändy pidäy oigien suvvon painettuloile,
andau leivän nälgähizile.
Ižändy piästäy välläle kiinniotetut,
8 Häi avuau silmät sogieloile,
nostau muah polgietut.
Ižändy suvaiččou oigeimielizii.
9 Häi akkiloiččou tulolazii,
pidäy huoldu armoittomis da leskis,
a jumalattomien matkah Häi panou kiännälmyksii.
10 Ižändy pidäy valdua ilmazenijän.
Sion, Ižändy on sinun Jumal polves polveh.
Alliluija!
Глава 145
