Библия
Выбрать язык
Книги Ветхого Завета
Книги Нового Завета
с русским текстом
PSALTIRI
141 Psalmu
1 Davidan opastus. Hänen malittu kallivokolos. Minä iäneh kučun Ižändiä,
minä iäneh molimmos Ižändäle.
2 Hänele minä malitus avuan vačan,
sanelen Hänele, mittumas ahtahuos minä olen.
3 Konzu minul vägi väzyy,
Sinä näit minun joga askelen.
Dorogale, kuduadu myö minä kävelen,
on pandu verko minuh niškoi.
4 Kačahtammos oigieh puoleh i näin:
niken ei tunne minuu.
Ei ole minule suojusijua,
niken ei kačahtai minuh päi.
5 Ižändy, Sinuu minä kirrun abuh. Minä sanon:
«Sinä olet minun suojusija, minun oza täl ilmal».
6 Kuule minun itkuiäni, minä olen voibunuh!
Piästä minuu ahtistajis,
hyö ollah vägevembät minuu!
7 Piästä minun hengi pimies,
ku voizin kiittiä Sinun nimie.
Oigiet kerävytäh minus ymbäri,
konzu Sinä luajit minule hyvyön.
Глава 141
