Библия
Выбрать язык
Книги Ветхого Завета
Книги Нового Завета
с русским текстом
PSALTIRI
140 Psalmu
1 Davidan psalmu. Ižändy, Sinuu minä kirrun abuh.
Huolita minun luo!
Kuule minun malittu, konzu kirrun Sinuu!
2 Anna tulou minun malittu Sinun edeh
kui kuajindusavvu,
minun oijendetut käit oldahes Sinule
kui ehtyverhu.
3 Ižändy, pane vardoiččii minun huulile,
vaziče minun suun veriädy.
4 Älä anna minun syväimele kiändyö kielahih paginoih,
riähkähizih ruadoloih yhtes jumalattomienke.
Älä anna minule oppie heijän magiedu elaigua.
5 Lyögäh minuu oigeimieline: se on hyvä.
Čakakkah häi minuu: se on kui voi tukile.
Minun malitut ollah jumalattomien pahuttu vastah.
6 Konzu heijän piämiehii lykätäh jyrkändehelpäi,
sit kaikin ellendetäh, mittumat lembiet oldih minun sanat.
7 Kui muadu meidy hallatah da pilkotah,
meijän luut pakutah tuonilmazen keroih.
8 No minun silmät kačotah Sinuh päi, Ižändy.
Ižändy, Sinuh minä luotan, älä hylgiä minuu!
9 Piästä minuu rihmois, kuduat on pandu minule,
piästä zakonanrikkojien verkolois.
10 Puututtahes hyö iče omih verkoloih,
a minä menen niilöis siiriči.
Глава 140
