1Pajojoukon ohjuajale. Davidan psalmu. Mieletöi sanoi omas syväimes: «Ei ole Jumalua». Vai on heitytty net, ket nenga sanotah, niken heis ei luaji hyviä. 2 Ižändy kaččou taivahaspäi muan rahvahih, ku nähtä, ongo kel sie ellendysty, ongo sie mostu, kudai eččiy Jumalua. 3 Kaikin hyö kiännyttih iäre Hänes, kaikin ollah pädemättömät. Ei ole nikedä, ni yhty, ken luadiu hyviä. 4 Vikse hyö ei ellendetä nimidä, kai nuat zakonanrikkojat? Hyö syvväh minun rahvastu, kui syvväh leibiä, ei luoteta Ižändäh. 5 Hyö puututah varavon valdah, kus ei ole nimidä varattavua. Jumalhäi on toveleläjien puolel. 6 Työ nagratto köyhän mielii, ga Ižändy on hänen suoju. 7 Andashäi ken Sionalpäi piäzendän Izrail՚ale! Konzu Ižändy muuttau Oman rahvahan elaijan, sit Juakoi kirguu hyväs mieles, Izrail՚u rubieu pidämäh iluo.
с русским текстом