Библия
Выбрать язык
Книги Ветхого Завета
Книги Нового Завета
с русским текстом
PSALTIRI
139 Psalmu
1 Pajojoukon ohjuajale. Davidan psalmu.2 Ižändy, piästä minuu pahois rahvahis,
vardoiče minuu vägivaldazis ristikanzois!
3 Heil on mieles luadie pahua,
joga päiviä hyö ečitäh riidua.
4 Heijän kieli on terävy kui mavon kieli,
huulil on pahan mavon juadu.
5 Suojua minuu, Ižändy,
älä anna jumalattomien käzih.
Vardoiče vägivaldazis rahvahis,
kuduat tahtotah kuadua minuu.
6 Ylbiet pandih minule rijat da rihmat,
levitettih verko dorogale,
pandih minule pyvvykset.
7 Minä sanoin Ižändäle: Sinä olet minun Jumal.
Kuule, Ižändy, minun malittu!
8 Ižändy, Ižändäzeni!
Sinä olet minun vägevy Piästäi,
Sinä suojuat minun piädy toras.
9 Älä anna jumalattomile sidä, midä hyö tahtotah,
älä anna täyttyö heijän pahoile tahtoloile,
eiga hyö ylbevytäh!
10 Minun ahtistajien pahat paginat kiännyttähes
heidy iččie vastah!
11 Pakuttahes heijän piäle hiilavat hiilet!
Ižändy, lykkiä heidy tuleh,
ähkiä syväh haudah, ku ei nostas siepäi!
12 Panettelii anna ei elä muan piäl,
pahus vedäy vägivallan luadijua surmah.
13 Tiijän, Ižändy puolistau painettuloi,
andau oigien suvvon köyhile.
14 Oigeimielizet kiitetäh Sinun nimie,
toveleläjät eletäh Sinun silmien ies.
Глава 139
