Библия
Выбрать язык
Книги Ветхого Завета
Книги Нового Завета
с русским текстом
PSALTIRI
137 Psalmu
1 Davidan mugah. Minä kiitän Sinuu kaikel syväimel,
Pajatan Sinule kiitändypajon jumaloin ies,
gu Sinä kuulit kai minun sanat.
2 Minä kumardammos Sinun pyhäkodih päi,
kiitän Sinun nimie Sinun armon da toven täh.
Sinä nostit Oman sanan korgiembale Omua nimie.
3 Sinäpiän, konzu kučuin Sinuu, Sinä kuulit minuu,
Sinä annoit minule rohkevuttu, a hengele vägie.
4 Ižändy, Sinuu kiitetäh kai muailman suarit,
konzu kuultah Sinun sanat.
5 Hyö pajatetah Ižändän dorogois,
sendäh gu suuri on Ižändän kunnivo.
6 Korgiel on Ižändy, no Häi nägöy alahan olijan,
dai ylbien eroittau loitton päi.
7 Gu minun matkal roinnou midägi pahuttu,
Sinä elavutat minuu.
Sinä oijendat käin
minun vihaniekkoin vihua vastah,
Sinun vägevy käzi piästäy minuu.
8 Midä Ižändy on minule leppinyh, sen Häi luadiu.
Sinun armo, Ižändy, on ilmanigäine.
Älä jätä kesken Omien käzien ruaduo!
Глава 137
