Библия
Выбрать язык
Книги Ветхого Завета
Книги Нового Завета
с русским текстом
PSALTIRI
136 Psalmu
1 Davidan mugah. Vavilonan virroin rinnal myö istuimmo da itkimmö,
konzu mustelimmo Sionua.
2 Randupajuloin oksih myö riputimmo meijän arfat.
3 Sie meijän kiinniottajat prižmittih meidy pajattamah,
meijän ahtistajat käskiettih meile veseldyö:
«Pajatakkua meile Sionan pajoloi!»
4 Kuibo myö voizimmo pajattua Ižändän pajoloi vierahal mual?
5 Gu unohtannen sinuu, Jerusalim,
anna häviey minun käis vägi.
6 Anna tartuu minun kieli kidalageh,
gu en mustane sinuu, Jerusalim,
gu en pidäne sinuu minun kaikis suurimannu ilonnu.
7 Mustoita, Ižändy, Edoman poijile
se Jerusaliman päivy, konzu hyö kirruttih:
«Levitäkkiä, levitäkkiä se linnu pohjah suate!»
8 Oh, Vavilonan linnu, sinä hävittäi naine!
Hyvin luadiu se, ken tazuau sinule
kaiken sen, midä sinä luajiit meile.
9 Hyvin luadiu se, kudai ottau sinun lapset
da išköy kivie vaste.
Глава 136
