1 Alliluija! Kiittäkkiä Ižändiä! Häi on hyvä, Hänen armo pyzyy ilmazenijän. 2 Kiittäkkiä jumaloin Jumalua, ilmanigäine on Hänen armo. 3 Kiittäkkiä ižändien Ižändiä, ilmanigäine on Hänen armo. 4 Händy, kudai vai yksin luadiu suurii kummii, ilmanigäine on Hänen armo, 5 Händy, kudai nerokkahasti luadi taivahat, ilmanigäine on Hänen armo, 6 Händy, kudai levitti muan vezien piäle, ilmanigäine on Hänen armo, 7 Händy, kudai luadi suuret valgien andajat, ilmanigäine on Hänen armo. 8 Häi luadi päiväzen haldivoimah päiviä, ilmanigäine on Hänen armo. 9 Häi luadi kuudamazen da tiähtet haldivoimah yödy, ilmanigäine on Hänen armo. 10 Häi iški Jegiptua, tapoi sen enzipoijat, ilmanigäine on Hänen armo. 11 Häi vedi iäres izrail՚alazet Jegiptaspäi, ilmanigäine on Hänen armo. 12 Häi azui sen lujal käil, korgiele nostetul käil, ilmanigäine on Hänen armo. 13 Häi halgai Kažl՚umeren kahtekse, ilmanigäine on Hänen armo, 14 da vedi izrail՚alazet sit poikki, ilmanigäine on Hänen armo. 15 Häi upotti faraonan torajoukkoloineh Kažl՚umereh, ilmanigäine on Hänen armo. 16 Häi vedi Oman rahvahan tyhjäs muas poikki, ilmanigäine on Hänen armo. 17 Häi voitti suuret suarit, ilmanigäine on Hänen armo. 18 Häi tapoi kuulužat suarit, ilmanigäine on Hänen armo. 19 Häi tapoi Amorein suarin Sigonan, ilmanigäine on Hänen armo. 20 Häi tapoi Vasanan suarin Ogan, ilmanigäine on Hänen armo. 21 Häi andoi heijän muan Izrail՚ale jälgiperäkse, ilmanigäine on Hänen armo. 22 Häi andoi sen jälgiperäkse Izrail՚ale, Omale käskyläzele, ilmanigäine on Hänen armo. 23 Häi musti meidy, konzu meidy polgiettih, ilmanigäine on Hänen armo. 24 Häi piästi meidy meijän vihaniekkoin käzis, ilmanigäine on Hänen armo. 25 Häi andau einehen kaikile Omile luajittuloile, ilmanigäine on Hänen armo. 26 Kiittäkkiä taivahan Jumalua, ilmanigäine on Hänen armo.
с русским текстом