Библия
Выбрать язык
Книги Ветхого Завета
Книги Нового Завета
с русским текстом
PSALTIRI
121 Psalmu
1 Davidan Matkupajo. Minä ihastuin, konzu minule sanottih:
«Myö lähtemmö Ižändän kodih!»
2 Täs myö seizommo sinun veriälöis, Jerusalim,
3 Jerusalim, linnakse nostettu,
tänne rahvas kerävytäh.
4 Tänne kerävytäh meijän rovut,
Ižändän rovut tullah tänne kiittämäh Hänen nimie
Izrail՚an zakonan mugah.
5 Tiä ollah suudoistuimet,
Davidan rovun valduistuimet.
6 Pakikkua rauhua Jerusalimale!
Ozitetut oldahes sinun suvaiččijat.
7 Anna roihes rauhu sinun linnanseinien sydämes,
olgah oza sinun dvorčois.
8 Minun vellien da lähimäzien täh sanon:
«Rauhua sinule!»
9 Ižändän, meijän Jumalan, koin täh
tahton sinule kaikkie hyviä.
Глава 121
