Библия
Выбрать язык
Книги Ветхого Завета
Книги Нового Завета
с русским текстом
PSALTIRI
11 Psalmu
1 Pajojoukon ohjuajale. Soitetah kaheksakielizel soittimel. Davidan psalmu.2 Avvuta minuu, Ižändy,
gu ei roinnuh enämbiä toveleläjiä,
gu ei ole uskottavua ristikanzoin keskes.
3 Hyö kielastellah toine tostu,
kielet ollah libiet,
syväimes hyö heitellähes.
4 Hävitäkkäh Ižändy kai libiet kielet,
vaikastuttahes löyhkäjät,
5 kuduat sanotah: «Kielen väil myö voitammo,
sanat ollah meile käzis.
Ken voibi azettua meidy?»
6 «Gu väittömii painetah da köyhät voiveroitetah,
Minä nouzen», sanou Ižändy,
«Minä puolistan sidä, kedä tahtotah ottua kiinni».
7 Ižändän sanat – sanat puhtahat kui hobju,
kudai on puhtastettu sulattimes,
seiččie kerdua sulatettu.
8 Sinä, Ižändy, puolistat heidy,
Sinä ainos suojuat heidy täs polves.
9 Kaikkiel kävelläh jumalattomat, pahat piästih valdah.
Глава 11
