Библия
Выбрать язык
Книги Ветхого Завета
Книги Нового Завета
с русским текстом
PSALTIRI
112 Psalmu
1 Alliluija!
Ylendäkkiä, työ Ižändän käskyläzet,
ylendäkkiä Ižändän nimie!
2 Kiitetty olgah Ižändän nimi nygöi da ilmazenijän!
3 Päivännouzus sen laskuh suate ylendettähes
Ižändän nimie!
4 Korgei on Ižändy,
kaikkien muailman rahvahien piä,
korgiembale taivahii nouzou Hänen kunnivo.
5 Ongo ken Ižändän, meijän Jumalan, jyttyine?
Häi istuu korgevuksis Omal valduistuimel.
6 Häi nägöy kai, taivahan dai muan syvyöt.
7 Häi nostau köyhän pölys, kurjan lijas,
8 ku istuttua händy korgeirovullizien rinnale,
Oman rahvahan ylimäzien rinnale.
9 Häi andau lapsensuamattomale koin da lapset,
i hänes roihes ozakas muamo.
Alliluija!
Глава 112
