1 Alliluija! Ozakas on se, ken varuau Ižändiä da äijäl suvaiččou Hänen käskylöi. 2 Vägevikse roijah muan piäl hänen jälgeläzet, oigeimielizien rodu roihes ozitettu. 3 Kyllys da bohatus roihes hänen talois, hänen oigei mieli pyzyy ilmazenijän. 4 Pimiesgi oigiele nouzou valgei, häi on hyvä, armolline da eläy tovel. 5 Hyvä ristikanzu žiälöiččöy toizii, andau velgah, hänen sanat ollah lujat suvvos. 6 Oigeimieline ei häilähtäi nikonzu, händy mustetah ilmazenijän. 7 Häi ei varua pahoi viestilöi, hänen syväin on luja, gu häi luottau Ižändäh. 8 Hänen syväin on luja, häi ei varua vihaniekkoih kaččojes. 9 Häi andau žiälöiččemättäh köyhile, hänen oigei mieli pyzyy ilmazenijän. Häi nostau kunnivos piän korgiele. 10 Jumalatoi nägöy tämän da tabavuu, häi rubieu kridžaittamah hambahii da halgieu vihas. Tyhjäh mennäh jumalattoman toivehet.
с русским текстом