1 Alliluija! Kiitän Sinuu, Ižändy, kaikel syväimel oigeimielizien kerähmös da jumalankoin sluužbas. 2 Suuret ollah Ižändän ruavot, kallehet kaikile, ket suvaijah niidy. 3 Suuret da kummanhyvät ollah Hänen ruavot, Hänen oigei mieli pyzyy ilmazenijän. 4 Ei unohtuta ni ijäs net kummanruavot, kudamat Häi luadi. Armolline da žiälöiččii on Ižändy. 5 Häi syöttäy niidy, ket varatah Händy, Häi mustau Oman sovun ilmazenijän. 6 Häi ozutti Omale rahvahale Omien ruadoloin väin, Häi andoi sille jälgiperäkse toisvierozien muat. 7 Hänen käzien ruavot ollah tovet da oigiet, kai Hänen käskyt ollah uskottavat. 8 Net pyzytäh lujinnu ainos da ilmazenijän. Net on luajittu tovel da oigevuol. 9 Häi piästi Oman rahvahan välläle, andoi ijäkse Oman sovun. Pyhä da varattavu on Hänen nimi. 10 Ižändän varavo on mielevyön algu. Se andau ellendysty kaikile, ket novvetah Hänen käskylöi. Kiitettähes Händy ilmazenijän!
с русским текстом