1Pajojoukon ohjuajale. Davidan psalmu. Minä nojavun Ižändäh. Kui voitto työ sanuo minule: «Pagene mägih kui lindu!» 2 Kačo, jumalattomat jo viettih jouhi, piiligi on jouhes, ku ambuo pimies oigieloi ristikanzoi. 3 Konzu alustat on levitetty, midä luadiu oigeimieline? 4 Ižändy on Omas pyhäkois, Hänen valduistuin on taivahis. Hänen silmät nähtäh köyhy, net hyvin kačotah ristikanzan syväin. 5 Ižändy oppiu oigieloin mielii, a jumalattomii da vägivallan suvaiččijoi Häi vihuau. 6 Vihmannu kuadau Häi jumalattomien piäle palavat hiilet, tulen da rikin, poltai tuuli on heijän vuitti mal՚l՚as. 7 Ižändy on oigeimieline, toven suvaiččii. Hänen silmät nähtäh toveleläjii.
с русским текстом