Библия
Выбрать язык
Книги Ветхого Завета
Книги Нового Завета
с русским текстом
PSALTIRI
109 Psalmu
1 Davidan psalmu. Taivahalline Ižändy sanoi minun Ižändäle:
«Istu Minun oigiel puolel, kuni en luaji
Sinun vihaniekkoi Sinun jalgoin alustakse».
2 Ižändy, Sionan haldivoiččii,
oijendau Sinule valdukepin.
Pie valdua Sinun vihaniekkoin piäl.
3 Sinun rahvas ollah valmehet
torah lähtendypäivänny.
Pyhis sovis nuori vägi tulou Sinun edeh
kui päivännouzu huondeskastien aigah.
4 Ižändy andoi sanan, i Häi ei perävy Omas sanas:
«Sinä olet pappi ilmazenijän,
moine kui Melhisedek».
5 Ižändy on Sinun oigiel puolel.
Oman vihan päivänny Häi mädžöttäy suariloi.
6 Häi suudiu muailman rahvahii,
täyttäy muan kuolluzien rungil,
lykkiy piät muadu myö.
7 Suari juou ojas matkas olles,
sendäh häi nostau piän voittajannu.
Глава 109
