Библия
Выбрать язык
Книги Ветхого Завета
Книги Нового Завета
с русским текстом
PSALTIRI
107 Psalmu
1 Pajo. Davidan psalmu.2 Minun syväin on valmis, Jumal, minun syväin on valmis pajattamah da soittamah.
3 Havačukkua, arfu da liiru!
Minä nouzen aijoi.
4 Ižändy, minä ylendän Sinuu rahvahien keskes,
pajatan kiitändypajuo Sinuh näh kaikile mieron rahvahile.
5 Onhäi Sinun armo korgiembi taivahii,
pilvih suate nouzou Sinun tozi.
6 Jumal, nostettahes Sinuu korgiembale taivahii,
roikkah Sinun kunnivo kaikel mual!
7 Piästähes pahas net, kedä Sinä suvaičet.
Puolista heidy Omal oigiel käil,
kuule minuu!
8 Jumal sanoi Omas pyhäkois:
«Hyväl mielel Minä annan teile Siheman,
juan teile Sokhofan alangon.
9 Minun on Gileadan mua,
Minun on Manassien mua,
Efraim on šlema Minul piäs,
Juudu on Minun valdukeppi.
10 Moav on Minun pezuaste,
Edomah Minä lykkäin Oman kengän,
Filistijua vastah nostan toraiänen».
11 Kenbo vedäy minuu seinitettyh linnah?
Kenbo vedäy minuu Edomah?
12 Sinä, Jumal, hylgäit meidy,
et astu meijän torajoukon ies.
13 Avvuta meidy, meil on hädä.
Tyhjy on rahvahien abu.
14 Jumalan väil myö luajimmo suurii ruadoloi.
Häi polgou muah meijän vihaniekat.
Глава 107
