1Davidan psalmu. Minä pajatan armoh da oigieh suudoh näh. Sinule, Ižändy, minä pajatan ylendyspajuo. 2 Minä tahton eliä mieleväh, noudua toven dorogua. Konzubo Sinä tulet minun luo? Omas kois tahton eliä puhtahal syväimel. 3 En tartu nimih, mi on pahas lähtenyh. Minä vihuan kielastusruaduo, se ei tartu minuh. 4 Muanivomielet anna lähtietäh minus, pahua minä en tahto tiediä. 5 Ken peitoči pieksäy kielel lähembästy, sen minä ajan iäre. Ylbieh kaččojii da hyväkse menijöi en suvaiče. 6 Kedä kačon uskottavakse, niidy otan rinnale. Ken eläy oigiedu elaigua, se roihes minun käskyläzenny. 7 Ei lövvy sijua minun talois sil, ken muanittelou, kielastelii oikokkah iäre minun silmis. 8 Aigazes huondekses rubien hävittämäh muas kai jumalattomat. Minä hävitän Ižändän linnas kai zakonanrikkojat.
с русским текстом