1Pajojoukon ohjuajale. Soitetah gefalazien soittimel. Davidan psalmu. 2 Ižändy, meijän Jumal! Mittuine suuri on Sinun nimi kaikkiel muailmas! Sinun kunnivo nouzou korgiembakse taivahii. 3 Vastesuaduloin da nänniniekkoin iänet kiitetäh Sinuu, net vastustetah Sinun vihaniekkoi, net salvatah suut Sinun vihuajil da tazuajil. 4 Konzu minä kačon taivahah, Sinun käzil luajittuh, kuudamazeh da tiähtih, kuduat Sinä azetit sijoilleh, 5 ga mibo sit on ristikanzu? No Sinä mustat händy. Mi on ristikanzan poigu? No Sinä tulet hänen luo. 6 Et Sinä äijäl alendannuh händy anhelilois, annoit hänele kunnivon da loistajan venčan. 7 Sinä panit händy pidämäh valdua Oman luajitun piäl, annoit kai hänen valdah: 8 kai lambahat, häkit dai meččyelätit, 9 taivahan linnut dai meren kalat, kai, mi liikkuu meres. 10 Ižändy, meijän Jumal! Suuri on Sinun nimi kaikkiel muailmas!
с русским текстом