Выбрать язык
Книги Ветхого Завета
Книги Нового Завета
с русским текстом1 Täs sanelendu Isuavan, libo toizin Edoman, jälgeläzis.2 Isuaval oli kaksi hanaanalastu akkua: Ada, hettalazen Elonan tytär, da Olivema, jeveilazen Tsiveonan poijan Anan tytär.3 Ližäkse häi otti vie Vasemafan, Izmailan tyttären, Navaiofan sizären.4 Ada sai Isuavale Elifazan, Vasemafa sai Raguilan,5 Olivema sai Jeusan, Jegloman da Korein. Nämä ollah Isuavan poijat, Hanaanan muas rodivunnuot.
6 Isuavu keräi omii akkoi, poigii, tyttärii, kaikkii omii rahvahii, kaiken karjan, kai elot, kuduat häi sai Hanaanan muas, da lähti toizeh muah, iäre omas velles Juakois.7 Heil oli muga äijy eluo, ga eliä yhtes heil rodih ahtas: muadu, kudamal hyö elettih tulolazinnu, ei täydynyh heile kahtele, heijän suurele karjale.8 Isuavu azetui elämäh Seiran mäin rinnale. Isuaval on toine nimi Edom.
9 Täs on sanelendu Isuavan, libo Edoman, edomalazien kandutuatan jälgeläzis, kuduat eletäh Seiran mägilöis.10 Täs Isuavan poigien nimet: Elifaz, Isuavan da Adan poigu, Raguil, Isuavan da Vasemafan poigu.11 Elifazan poijat: Feman, Omar, Tsefo, Gafam da Kenaz.12 Famna, Elifazan ližäakku, sai hänele Amalikan. Nämmä ollah Isuavan jälgeläzet Adas.13 Raguilan poijat: Nahaf, Zerah, Šamma da Miza. Nämmä ollah Isuavan jälgeläzet Vasemafas.14 Olivemas, Tsivonan poijan Anan tyttäres, Isuavale rodittihes Jeus, Jeglom da Korei.
15 Täs ollah Isuavan jälgeläzien rodukunnat. Isuavan enzipoijan Elifazan jälgeläzien rodukunnat: Femanan rodu, Omaran rodu, Tsefon rodu, Kenazan rodu,16 Korejan rodu, Gafaman rodu, Amalikan rodu. Täs oldih Elifazan rovun rodukunnat, kuduat elettih Edoman muas. Hyö oldih Adan jälgeläzet.17 Isuavan poijan Raguilan rovun rodukunnat oldih Nahaf, Zerah, Šamma da Miza. Täs oldih Raguilan rovun rodukunnat, kuduat sežo elettih Edomas. Nämmä oldih Isuavan akan Vasemafan jälgeläzet.
18 Isuavan akan Oliveman poijat oldih Jeus, Jeglom da Korei. Nämä ollah Isuavan akan Oliveman, Anan tyttären, rodukunnat.19 Täs ollah Isuavan jälgeläzet da heijän rovut. Tämä oli Edoman rodu.
20 Täs ollah horilazen Seiran poijat, kuduat elettih täs muas enne: Lotan, Šoval, Tsiveon, Ana,21 Dišon, Etser da Dišan. Nämä ollah horeiloin rovut, Seiran jälgeläzet, kuduat elettih Edoman muas.22 Lotanan poijat oldih Hori da Geman, da Lotanal oli vie sizär Famna.23 Šovalan poijat oldih Alvan, Manahaf, Eval, Šefo da Onam.24 Tsiveonan poijat oldih Aija da Ana; häi oli se Ana, kudai löydi lämmät viennouzemat tyhjäs muas, konzu paimendi Tsiveonan osloi.25 Anan poigu oli Dišon, a hänen tytär oli Olivema.26 Dišonan poijat oldih Hemdan, Ešban, Jifran da Heran.27 Etseran poijat oldih Bilgan, Zaavan, [Ukam] da Akan.28 Dišanan poijat oldih Uts da Aran.
29 Täs ollah horilazien rodukunnat: Lotan, Šoval, Tsiveon, Ana,30 Dišon, Etser da Dišan. Täs on luveteltu Seiran muas eläjät horilazien rovut.
31 Täs ollah suarit, kuduat piettih valdua Edoman muas enne sidä, gu roittih suarit izrail՚alazil.32 Edoman enzimäine suari oli Bela, Veoran poigu, hänen piälinnu oli Dingava.33 Konzu Bela kuoli, hänen sijah tuli Jovav, Zerahan poigu Vosoraspäi.34 Jovavan kuoltuu suarikse rodih Hušam, kudai oli Femanan muaspäi.35 Hušaman kuoltuu tuli suarikse Gadad, Bedadan poigu, se, kudai voitti madianilazii Moavan tazangol. Hänen piälinnannu oli Avif.36 Gadadan kuoltuu suarikse rodih Samla, kudai oli Masrekaspäi.37 Samlan kuoltuu suarikse rodih Saulu, kudai oli Rehovofaspäi, kudai on joven rannal.38 Saulan kuoltuu suarikse rodih Baal-Hanan, Ahboran poigu.39 Konzu Baal-Hanan, Ahboran poigu kuoli, suarikse rodih Gadar, [Varadan poigu]. Hänen piälinnu oli Pau. Hänen akan nimi oli Megetaveel՚, Mezagavan poijan Matredan tytär.
40 Nämmä oldih Isuavan jälgeläzien heimokunnat rovuttain luveteltunnu eländykohtien mugah: Fimna, Alva, Jetef,41 Olivema, Ela, Pinon,42 Kenaz, Feman, Mivtsar,43 Magdiil da Iram. Täs oldih Edoman muan heimokunnat luveteltunnu eländykohtien mugah. Tämä oli Isuavan, Edoman kandutuatan rodu.
Глава 36