Библия на финно-угорских языках

•   
• Главная
• Библия
• Библейские рассказы
• Аудио
• Загрузки
• Контакты

Библия

Выбрать язык vienankarjalakšilivviksevepsän kelel мокшекс эрзякскоми кыв вылынкоми-пермяцкöй кыв вылынмарлакырык марлаудмурт кылынмāньси лāтӈылханты ясаӈан

Книги Ветхого Завета про «Библия»Содержание1-я книга Моисеева. БытиеКнига РуфьПсалтирьПритчиИсаияИона

Книги Нового Завета Выбрать книгу про «Uuzi Sana»СодержаниеОт МатфеяОт МаркаОт ЛукиОт ИоаннаДеянияИакова1-e Петра2-e Петра1-e Иоанна2-e Иоанна3-e ИоаннаИудаК Римлянам1-е Коринфянам2-е КоринфянамК ГалатамК ЕфесянамК ФилиппийцамК Колоссянам1-е Фессалоникийцам2-е Фессалоникийцам1-е Тимофею2-е ТимофеюК ТитуК ФилимонуК ЕвреямОткровение

ENZIMÄINE MOISEIN KIRJU

Lugu 16

Agar՚ da Izmail

1 Sara, Avraman mučoi oli lapsetoi. Hänel oli orjunaine jegiptalaine Agar՚.2 I Sara sanoi Avramale: «Ižändy ei anna minule lastu. Elä minun orjunaizenke, toinah häi suau minule lastu.» Avram kuuli Saran sanan.3 Avram oli elänyh Hanaanan muas jo kymmene vuottu, konzu Sara otti oman orjunaizen, jegiptalazen Agarin da andoi hänen omale ukole Avramale toizekse akakse.4 Avram yhtyi Agarinke, i se kohtustui. Konzu Agar՚ tiijusti, häi on kohtuine, häi rubei halveksijen kaččomah omah emändäh.5 Sara sanoi Avramale: «Minun abieh olet sinä viäryniekku. Minä annoin oman käskyläzen sinun käzih, a häi, gu nägi on kohtuine, rubei halveksimah minuu. Anna Ižändy rodieu suudijannu minun da sinun keskes.»6 «Sinun käskyläine on sinun käzis», sanoi Avram, «rua hänenke, midä tahtot.» Sara rubei pahoi pidämäh Agarii, i se pagei hänes.

7 Händy löydi Ižändän Anheli silmykaivozen rinnal tyhjäs muas, silmykaivon, kudai oli Suran dorogal.8 Ižändän Anheli sanoi hänele: «Agar՚, Saran käskyläine, kuspäi sinä tulit da kunne menet?» Se vastai: «Minä pagein Saran, minun emändän silmis.»9 Ižändän Anheli sanoi: «Mene järilleh oman emändän luo da heity hänele.»10 I sanoi Häi: «Minä suurendajen suurendan sinun jälgeläzien luguu muga äijäl, ga ni lugie ei sua.»11 Vie sen sanoi hänele Ižändän Anheli:
– Kačo, sinä olet kohtuine, suat poijan i
annat hänele nimen Izmail*а,
sikse gu Ižändy kuuli sinuu sinun hiäs.
12 Poigu sinun rodieu gu meččyoslu,
häi menöy kaikkih käzin,
i kaikin mennäh häneh käzin.
Häi rubieu ainos elämäh kaikkien omien vellien silmien ies.

13 Ižändiä, kudai pagizi hänenke, Agar՚ rubei nimittämäh nengozel nimel: «Sinä olet Jumal, kudai nägöy minuu». I sanoi häi: «Minä tovel näin Sen, kudai nägöy minuu!»14 Sikse silmykaivo, kudai on Kadesan da Baredan välil, sai nimen «Minuu nägijän Elävän kaivo».

15 Agar՚ sai Avramale poijan. Avram andoi poijale, kuduan sai hänele Agar՚, nimen Izmail.16 Silloi Avramale oli kaheksakymmen kuuzi vuottu.

*а11 16:11 Izmail meijän kielel on «kuulou Jumal».

 Глава 16