Выбрать язык
Книги Ветхого Завета
Книги Нового Завета
с русским текстом1 Muga Avram lähti Jegiptaspäi Negevah oman akan da kaikkien eloloinke, i Lot heijänke.2 Nygöi Avram oli ylen bohattu – hänel oli karjua, hobjua dai kuldua.3 Negevaspäi häi siirdyi kohtas kohtah Vefil՚ahpäi da tuli sih kohtah Vefil՚an da Gain välis, kus häi azettelih enne4 i kunne häi luadii altarin. Sie häi moliihes Ižändäle.
5 Lotal, kudai matkai yhtes Avramanke, sežo oli lammastu, kozua, karjua da stuanuu.6 Muadu oli vähä kahtele, mollembil oli äijy eluo, yhtes rodih ahtas eliä.7 Avraman da Lotan paimoloin keskes rodih riidua. Niih aigoih sit muas elettih vie hananeit da ferezeit.
8 Avram sanoi Lotale: «Ei ole hyvä, gu meil da meijän karjoin paimenil on riidua keskenäh, myöhäi olemmo omahizet!9 Kai mua on sinun ies, eruo minus. Gu sinä mennet hurale, minä menen oigiele, gu mennet oigiele, minä menen hurale.»10 Lot nosti silmät i nägi, gu kai Jordanan jogimua, kai juuri Sigorassah on hyvin kasteltu viel gu Ižändän sadu, gu Jegiptan mua. Tämähäi oli enne sidä aigua, konzu Ižändy hävitti Sodoman da Gomorran.11 Lot valličči Jordanan jogimuan da lähti päivänouzupuolehpäi. Muga hyö erottih.12 Avram jäi Hanaanan muah, a Lot siirdyi jogimuan linnoin rinnale. Sie häi siirdyi kohtas toizeh omien stuanuloinke da puutui Sodoman lähäle.
13 Sodoman rahvas oldih pahatabazet da ylen riähkähizet Ižändän ies.
14 Konzu Lot da Avram erottih, Ižändy sanoi Avramale: «Nosta silmät da kačo täs kohtas pohjazehpäi, suvehpäi, päivännouzuhpäi da päivänlaskuhpäi.15 Kaiken tämän muan, kuduan sinä näit, Minä annan sinule da sinun jälgeläzile ilmazekse ijäkse.16 Minä luajin sinun jälgelästy gu pölyy muan piäl: gu ken voinnou lugie pölyt muan piäl, sit sinun jälgeläzetgi rodieu lugiettu.17 Mene da astu tädä muadu myö pitkizin da poikkizin, sikse gu sinule Minä annan sen [da sinun jälgeläzile ilmazekse ijäkse].»
18 Avram siirdyi omien stuanuloinke kohtas toizeh, kuni ei tulluh Mamren pyhäh mečikköh, kudai on Hevronas. Sinne häi luadii altarin Ižändäle.
Глава 13