Выбрать язык
Книги Ветхого Завета
Книги Нового Завета
с русским текстом1 Täs sanelendu Noin poijis – Simas, Hamas da Jafetas da heijän jälgeläzis. Jälles viennouzendua Simal, Hamal da Jafetal rodittihes lapset.2 Jafetan poijat: Gomer, Magog, Madai, Javan, [Elisa,] Fuval, Mešeh da Firas.3 Gomeran poijat: Askenaz, Rifat, Fogarma.4 Javanan poijat: Elisa da Farsis da vie kitteit da dodaneit.5 Javanan poijis lähtiettih merenrandurahvas. Nengozet on heijän muat, rovut da heimot, joga rahvahal oma kieli.
6 Haman poijat: Huš, Mitsraim, Fut, Hanaan.7 Hušan poijat: Seva, Havila, Savta, Raama, Savteha. Raaman poijat: Ševa da Dedan.8 Hušal oli vie poigu Nimrod – enzimäine vägimies mual,9 vägevy meččymies Ižändän Jumalan ies. Sit lähti sanondu «vägevy meččymies kui Nimrod Ižändän Jumalan ies».10 Ezmäi hänen valdukundah kuuluttih Vavilon, Ereh, Akkad da Halne Sennaaran muas.11 Täs muaspäi häi lähti Assurah, kus luadii Ninevien, Rehovof-iran da Kalahan12 da vie Resenan, kudai on suuri linnu Ninevien da Kalahan välis.13 Mitsraimas lähtiettih: ludeit, anameit, legaveit, naftuheit,14 patruseit, kasluheit, kudamis lähtiettih filistiläzet, da vie kaftoreit.15 Hanaanas lähtiettih: Sidon, hänen enzipoigu, da Het16 da vie jevuseit, amoreit, gergeseit,17 eveit, arkeit, sineit,18 arvadeit, tsemareit i himafeit. Myöhembi hanaanalazet heimot äijäl levittih19 i heijän muat oldih Sidonaspäi Gerarahpäi Gazassah, a siepäi Sodomahpäi, Gomorrahpäi, Admahpäi da Tzevoimahpäi Lašissah.20 Nengomat oldih Haman poijat, heijän roduloin mugah, kielien mugah, heijän mualois da heijän rahvahis.
21 Oli lastu Simalgi. Häi oli Jafetan vahnembi velli i hänes rodih Everan jälgeläzien kandutuatto.22 Siman poijat: Elam, Assur, Arfaksad, Lud, Aram [da Kainan].23 Araman poijat: Uts, Hul, Gefer da Maš.24 Arfaksadal oli poigu [Kainan, Kainanal –] Sala, Salal – poigu Ever.25 Everal oli kaksi poigua: yhten nimi oli Falek (juattu), sikse gu hänen päivinny mua oli juattu, a toizen nimi oli Joktan.26 Joktanal oli poigua: Almodad, Šalef, Hatsarmavef, Jerah,27 Gadoram, Uzal, Dikla,28 Oval, Avimail, Ševa,29 Ofir, Havila da Jovav. Kai net ollah Joktanan poijat.30 Heijän muat levittih Mešas Sefarassah, päivännouzupuolen mägilöissäh.31 Nengomat oldih Siman jälgeläzet, heijän roduloin mugah, kielien mugah, heijän mualois da heijän rahvahis.
32 Täs ollah Noin poigien heimot heijän rodukundien mugah, heijän rahvahis. Kai muan rahvas lähtiettih heis jälles viennouzuu.
Глава 10