Your word is a lamp to my feet

Библия на финно-угорских языках



Библия

Выбрать язык

Книги Ветхого Завета

Книги Нового Завета

предыдущая главаследующая главас русским текстом

ИОНА ПРОРОКЛÖН НЕБÖГ

Глава 3

Ниневияын олысьяс бергöдчöны мыжъясысь

1 Сэсся Ионалы бара вöлi Господьсянь кыв:2 «Мун Ниневияö, тайö ыджыд карас, да юöрт сэнi, мый Ме тшöкта».3 Иона кывзысис Господьлысь да мунiс Ниневияö. Ниневия вöлi зэв ыджыд кар. Куим лун колö вöлi, мед мунны помсяньыс помöдз.4 Иона лунтыр ветлöдлiс карöд да юöртiс йöзыслы, мый нелямын лун мысти Ниневия карнысö лоö бырöдöма.5 Ниневияын олысьяс та бöрын кутiсны эскыны Енлы. Найö шуисны видзавны, и ставныс ичöтсянь ыджыдöдз пасьталiсны шогалан паськöм.

6 Кор ниневияса öксы кылiс та йылысь, сiйö чеччис юралан пуклöс вылысь, пöрччис öксы паськöмсö, пасьталiс шогалан паськöм да пуксис пöим пытшкö.7 Öксы да сылöн киподувса юралысьяс тшöктiсны юöртны Ниневияын олысьяслы: «Энö сёйöй-юöй да энö йирсьöдöй-юкталöй ыж-мöснытö да мукöд пемöснытö.8 Пасьталöй шогалан паськöм да вевттьöй наöн тшöтш пемöсъяснытö. Горзöмöн шыасьöй Ен дiнö, бергöдчöй мыжъяссьыныд да эновтчöй виалöм-дзескöдöмсьыныд.9 Гашкö, Енмыс бурсьöлöмтчас, вештас Ассьыс ыпъялан скöрлунсö миян вылысь, и ми ловйöн колям».

10 Ен аддзис, мый ниневияса олысьяс эновтчисны лёксьыс. Сэки Сiйö вештiс мыждöмсö на вылысь да эз бырöд Ниневия карöс.


3.5 видзавны – овны сёйтöг


предыдущая глава Глава 3 следующая глава